Email
MizoramSchool2-ah mi pakhat a thawk kawp Zirtirtu aikal lak khapin awmzia a nei lo
Caroline Lalthanpuii, Tanhril hi January 20. 2006 khan SSA sum hmanga EGS Centre-a thawk turin Education Volunteers 47, thlatin Rs. 9, 000/- hlawh tura lak zingah telin appointment order-ah chuan Caroline B.A. tia tarlan a ni a, Tuivamit-a thawk tura lak a ni. Vide No. B. 107018/13/05-SPD (SSA). He EGS Centre-ah hian appointment a hmuh atangin regular takin a kal nia thudawn a, mahse April 13, 2007 khan School Education department-in contract basis-a Govt. High School Teacher thatin Rs. 9, 750/- klawh tura lak zingah tel lehin, Govt. Ch. Chhunga High School-a t6hawk yura tih a ni.
Appoinment pek a nih atangin Caroline Lalthanpuii M.A. hian Govt. Ch. Chhunga High School-ah zawm lovin aikal a la a, January 9, 2009 pawh khan Directorate of School Education-in officer order No. A. 22014/7/2006-DTE (EDN) a tihchhuahah a tell eh a, mahse amahin zawm lovin, a ai kal Mary Lalrinkimi chaun he hna hi a thawk zawm zel a ni.
Education department hnuaia aikal lak hi khap a ni a, he khapna thupek hi School Education Director Malsawmthangi’n March 19, 2009 khan officer order No. A.25025/1/08-DTE (EDN)-in a tichhuak a. Hetah hian Sorkarin “School Education Department hnuaia thawk mi tupawh aikal tirte chuan ni 30. 4. 2009 hmain an hna an zawm vek tur a ni” tiin vide No. A.22016/3/08-EDN of 4. 3. 2009-ah tarlan a ni. He order ah hian DEO/SDEO tin ten an hnuaia thawk zirtirtu leh staff aikal tirte zawng zawng April 15, 2009 aia tlai lovah Dirctorate-ah thehluh vek tur a ni, tih a ni a. Aikal tir report dik lo/kim lo/ hum an awm chuan bialtu DEO/SDEO/Principal/Headmaste-te’n mawh an phurh tur thu Director order-ah terlan a ni bawk.
Heti chung hian Caroline Lalthanpuii hian Govt. Ch Chhunga Hs-ah aikal a la a, Tuivamit EGS CXentre-ah a ma hming thovin a thawk bawk a. A aikal lakna sikul headmaster-in ‘aikal a la e’ ti lam hawia report a pek pawhin Directorate atangin engmah action a awm lo nia thudawn a ni. Aikal a la mai a ni lo a, hei pawh hi danin a phal loh sa a ni a, hetianga mi pakahatin hmun hniha a thawk thei hi a mak hloe nia thudawn a ni bawk.
Source : Vanglaini
| There are 0 comments to this post |
6th Pay Atan Central-in Mizoram Sum Pe Thei Lo
Mizoram Leh Bangladesh Sumdawnna Bul Tan Theih Ani Hnai Ta
Pawisaa Riltam Director Leh Jt.director Kan Nei Hi A Vanduaithlak : R. Lalzirliana.
60th Repubic Day Lawmna Hun Hmang Mek.
Sorkar Kum Khat Tlin Lawm Nan Cm-in Mja Tan Zanriah Buatsaih
Msic-in Revenue Spio Hrem Dawn
Education Reforms Commission-in Financial Year Chhungin Report Thehluh Tum
