Chanchinthar.Com:  Mizoram Sawrkar  Mizoram leh Bangladesh sumdawnna bul tan theih ani hnai ta

Mizoram leh Bangladesh sumdawnna bul tan theih ani hnai ta

By Editor Friday Mar 05 2010 03:42 pm

    Trade & Commerce Minister Lalrinliana Sailo chuan, Tlabung kaltlanga Mizoram leh Bangladesh insumdawn tawnna tur chu Politics level-ah inrem ani tawh, a ti.

    Minister hian niminah a pisa ah thuthar thehdarh tute a kawmin, February ni 25-a Bangladaesh khawpui Dhaka-a Bangladesh-Noth East India Trade & Investment conclave-a a kal tum an thil tawn hrang hrangte a hrilh, Lalrinliana Sailo chuan, Bangladesh Prime Minister Sheikh Hasina leh mipawimawh eng emaw zat akawm thu a sawi a,"Tunah chuan insumdawn tawnna atan politics level-ah chuan thil tih fel ani tawh," a ti a, inpawh tak a hmalak ho anih theih tawh tur thu asawi.
   
    Minister chuan,"Ofiicial level-ah tihfel ngai an ti fel ang a, politics level berah tihfel anih tawh avangin, insumdawntawn theih thuai anih beisei ani," a ti a, hetih rual hian thil kalpui chak a harsat tur thu leh official level-ah pawh tihfel ngai a la tam tur thu a sawi.

    Lalrinliana Sailo chuan Bangladesh-a insumdawn tawnna tur politics level-a tihfel theih ani chu Chief Minister Lalthanhawla hmalakna anih thu sawi in,"Foreign ram nen a insumdawn tawn tur chuan, Sorkar laipui phalna angaih avangin, kan Chief Minister hian vawi eng emaw zat lehkha a thawn a. Hei bakah hian Bangladesh lam pawh adawr nasa hle ani," a ti.
   
    Bangladesh official te pawhin insumdawn tawnna chu hawn an chak tawh thu sawiin Minister chuan,"Official ka kawm nual a, an ni lam pawhin tihfel hlan an nghakhlel ani," a ti. Bangladesh nena insumdawn tawnna chu peihfel anih hunah sorkar chu business lama in rawlh vak lo in a hralhna kawhhmuh kawngah hma alak zawk dawn ni in a sawi.

    Trade & Commerce Secretary Esther Lalruatkimi pawhin thu sawiin, hna thawh tak tak dawn chuan Trade & Commerce Department tihlen a ngaih tur thu a sawi a,"Pawisa kan neih loh em a vangin hna thawh chak aharsa ani. Budget te hi min tihpunsak se hma alak chak theih deuh ang," a ti.

    Trade & Commerce Minister Lalrinliana Sailo hi Parliamentary Secretary S Laldingliana leh Secretary Esther Lalruatkimi ten conclave-ah hian an tawi awm a ni.

 

There are 0 comments to this post
 
To comment this post: Login :
UserID: Pass: OR Register
RELATED CONTENTS

6th Pay Atan Central-in Mizoram Sum Pe Thei Lo

Mizoram Leh Bangladesh Sumdawnna Bul Tan Theih Ani Hnai Ta

Lawngtlaiah Nregs Zirna

Road Safety Week

Pawisaa Riltam Director Leh Jt.director Kan Nei Hi A Vanduaithlak : R. Lalzirliana.

60th Repubic Day Lawmna Hun Hmang Mek.

Sorkar Kum Khat Tlin Lawm Nan Cm-in Mja Tan Zanriah Buatsaih

Msic-in Revenue Spio Hrem Dawn

Education Reforms Commission-in Financial Year Chhungin Report Thehluh Tum

Cm-in Maicham Hydel Project Hawng

MJA Farewell

 MJA Genneral Headquarter Executive chuan vawiin hian President K Sapdanga inah farewell meeting an nei dawn a, March 23-a MJA Conference neih tur thlir lawkin, zanriah an kilho nghal ang.


 

Ni 20 awh session

Mizoram Legislative Assembly chuan Provisional Calendar, Legislative Assembly 6-na Session 5-na chu a tichhhuak a, March ni 17 atanga tanin April ni 5, 2010 thleng neih a ni ang a, Inrinni leh Pathianni erawh an chawl zel ang.
 

Pahnih pawm belh

 Lai Autonomous District Council huam chhunga delimination committee chuan District Council chhunga MDC constituency pahnih siam belh an remti a; chungte chu- Lawngtlai Council Veng leh Mualbu Kawnpui te an ni. Hei hi rulling MDC, Opposition MDC pali bakah Lai District Council chhunga VC te pawhin an pawmpui thu thuchhuah an siamah an tarlang.

Rev. Zairema website apianchamah hawng

Zairema Memorial Committee Chairman, Rev. Vanlalhruai chuan nimin khan Rev. Zairema(L) pual a website ansiam, www.revzairema.com a hawng.

Red Ribbon Road Show

 Mizoram State AIDS Control Society(MSACS) chuan Feb 22- March 16 chhung hian Mizoram district panga a khaw 11-ah Road Show a buatsaih mek. he Red Ribbon Road Show-ah hian Red Ribbon Youth Icon 2009 top 3- R. Lalhmangaiha, Lalbiakfeli leh Roluahpuia te bakah, an kalna district-a District Level Youth Icon top 3 ten zaiin mipui kalkhawmte an awi ang. Road Show-ah hian HIV/AIDS chungchanga zirtirna an pe chhuak dawn a ni.

CM thu sawi kha

Kan CM in Singapore-a a thu sawi kha ka lo tan hman viau a, mahse a pha leh emni? Keini Mizo te hi Indian thlah kan nih lo tih hi chu a chiang viau in ka hria.