Chanchinthar.Com:  Mizoram Lawrkhawm  Zirna hmunpuiah Mizoram siam tum

Zirna hmunpuiah Mizoram siam tum

By Editor Thursday Mar 04 2010 10:00 pm

    Education Minister Lalsawta chuan, zirna hmunpuia Mizoram siam tuma hma an lak mek thu leh, khawvela zirna hmun tha bera siam an tum thu a sawi.

    Minister hian he hi nimina I&PR Conference Hall-a ni hnih awh tur"Economics and Educational security with Reference to North East India" thupuia hmanga national level seminar hawnnaah a sawi a, he seminar hi Govt. J Thankima College leh Mizoram Educational Foundation tangkawpin a buatsaih a ni.

    Lalsawta chuan, Mizoram zirna hmunpuia siam turin hma lak mek a nih thu sawiin," Sorkar thar a pian hnuah zirna lama hma kan sawn theih nan, Education Reforms Commission din a ni a. An report atangin zirna lama Mizoram mamawh kan hre thei ang a, kan bawkzui ang," a ti a; zirna avanga hmarchhak state-ten kum khatah cheng vaibelchhe eng emaw zat sen ral a nih thin thu leh, zirna avanga state dangin Mizorama pawisa an sen zawk nan hna thawh a nih thu a sawi.

    Zirna lama sorkar hmalakna hrang hrangte sawiin, Education Minister chuan,"Zirna hmasawnna atan hian kan kal chak hle a, tunah hian NIT leh Polytechnic hmun li-ah hawn thar a ni dawn," a ti. Nu leh Pate pawh an fate zirna atana insengso ngam se a duh thu a sawi bawk.

    Seminar hi Mizoram Educational Foundation President, Dr. LN Tluanga'n a kaihruai a, mithiam thlanchhuah 10-ten paper an present a, sawiho zui a ni.

There are 0 comments to this post
 
To comment this post: Login :
UserID: Pass: OR Register
RELATED CONTENTS

Mizoram House Endiktu Assembly Subject Committee - I Ten Cm Hnenah Report An Thehlut

Mizo Zirlai Te Zirna Senso Sorkar Laipuiin Tumsak Dawn

Da Impound Chungchanga Finance Department Thuchhuah

Hlawh Chungchanga Finance Department Thuchhuah

Doeacc In Press Mite Sawm

Assam Rifles Mizoram Range-in Golden Jubilee Lawm Dawn

World Guide Centenary Lawm

Saiha-ah Pykka Sport Neih Tan A Ni

Chief Minister Hovin State Level Bankers’ Committee Nei

Thupek

MJA Farewell

 MJA Genneral Headquarter Executive chuan vawiin hian President K Sapdanga inah farewell meeting an nei dawn a, March 23-a MJA Conference neih tur thlir lawkin, zanriah an kilho nghal ang.


 

Ni 20 awh session

Mizoram Legislative Assembly chuan Provisional Calendar, Legislative Assembly 6-na Session 5-na chu a tichhhuak a, March ni 17 atanga tanin April ni 5, 2010 thleng neih a ni ang a, Inrinni leh Pathianni erawh an chawl zel ang.
 

Pahnih pawm belh

 Lai Autonomous District Council huam chhunga delimination committee chuan District Council chhunga MDC constituency pahnih siam belh an remti a; chungte chu- Lawngtlai Council Veng leh Mualbu Kawnpui te an ni. Hei hi rulling MDC, Opposition MDC pali bakah Lai District Council chhunga VC te pawhin an pawmpui thu thuchhuah an siamah an tarlang.

Rev. Zairema website apianchamah hawng

Zairema Memorial Committee Chairman, Rev. Vanlalhruai chuan nimin khan Rev. Zairema(L) pual a website ansiam, www.revzairema.com a hawng.

Red Ribbon Road Show

 Mizoram State AIDS Control Society(MSACS) chuan Feb 22- March 16 chhung hian Mizoram district panga a khaw 11-ah Road Show a buatsaih mek. he Red Ribbon Road Show-ah hian Red Ribbon Youth Icon 2009 top 3- R. Lalhmangaiha, Lalbiakfeli leh Roluahpuia te bakah, an kalna district-a District Level Youth Icon top 3 ten zaiin mipui kalkhawmte an awi ang. Road Show-ah hian HIV/AIDS chungchanga zirtirna an pe chhuak dawn a ni.

CM thu sawi kha

Kan CM in Singapore-a a thu sawi kha ka lo tan hman viau a, mahse a pha leh emni? Keini Mizo te hi Indian thlah kan nih lo tih hi chu a chiang viau in ka hria.