Email
Mizoram
ACB-in Zoramthanga a chhuina Gauhati High Court-in ring nghal
PRISM-in kum 2007-a hetih laia Chief Minister, Zoramthanga leh sorkar official thenkhat laka Gauhati High Court-a Public Interest Litigation (PIL) an thehluh chungchangah Gauwahati High Court-in thutlukna a siam tawh a, Court chuan Zoramthanga chhuina ACB-in a kalpui mek chu rinnghal a nih tur thu PRISM leh sorkar a hriattir tawh niin PRISM thuchhuah chuan a tarlang.
PRISM hian an President, Vanlalruata hminga Gauwahati High Court-a PIL 58/2007 an thehluhah hian CM hlui Zoramthanga bakah, khatih laia Chief Secretary, Agriculture Secretary, Agriculture Director, District Agriculture Office, Aizawl West leh Anti Corruption Bureau SP-te an khing a ni.
PIL an thehluh chhan tarlangin PRISM chuan, CM hlui Zoramthangan thuneihna hmang sualin, sorkar thil ama mimal hlawkna atan hmang nia an hriat a vangte, Agriculture Deptt. bungruate subsidise rate-in a chhungte telna society telna a pek avang te, Zoramthanga hi a hlawh nen inphu lova a hausaa an hriat a vang te leh, ACBSP-in CM chhui tura an ngenna a hnawl avangte a ni tih an tarlang.
PRISM hian, Zoramthanga chu CM a nih hmain a hausak tehchiam loh thute, CM anih hnu lawkah Sihphirah ram a lei thute, a ram chu sorkar bungrua(Goat Proof Wiremess) hmanga a hung thu leh a hungna hmanrua chu sorkar motor-a dah a nih thute, Aii puk zau farming society/ Aii Puk farming society hnenah Angle Iron post 660 pek a nih laiin Firm & Society register-in hetiang pawl a awm lo tih a sawi thute, heng thu hi Assembly House-a sawichhuah a nih hnuah pawh chhui a nih loh thute, kum 2003 MLA inthlanah Zoramthanga chuan Rs. 47,72,378 hu thil neia a insawi thu leh PRISM leh MUP-in FIR an thehluh hnuah pawh chhui a nih loh thute Guhati HC chu an hrilh a, inrawlh turin High COurt chu an ngen a ni.
He thubuai hi Gauhati High Court chuan vawi engngemaw zat a ngaihtuah hnuah, December 21, 2009 khan thutlukna a siam a, sorkarin insawi thiam nana a hman, "ACB-in a chhui mek" tih chu rin zui turin Court chuan a ti a; ACB chu December 21, 2009 atanga chhiar a thla li chhunga chhui zo turin a ti.
| There are 0 comments to this post |
Mizoram House Endiktu Assembly Subject Committee - I Ten Cm Hnenah Report An Thehlut
Mizo Zirlai Te Zirna Senso Sorkar Laipuiin Tumsak Dawn
Da Impound Chungchanga Finance Department Thuchhuah
Hlawh Chungchanga Finance Department Thuchhuah
Assam Rifles Mizoram Range-in Golden Jubilee Lawm Dawn
Saiha-ah Pykka Sport Neih Tan A Ni
