Chanchinthar.Com:  Mizoram Lawrkhawm  Halpuah tel lovin Krismas leh Kumthar hmang liam

Halpuah tel lovin Krismas leh Kumthar hmang liam

By Editor Monday Jan 04 2010 03:01 pm

 

2009 Krismas leh 2010 Kumthar chu Mizoram pumah halpuah leh a kiahhnawih tel lovin hman liam a ni a, khawi hmunah mah boruak duhawm lo leh chetsualna rapthlak lutuk thleng a awm lo bawk.

 

            Krismas leh Kumthar vuakveta halpuah leh a kaihhnawih hal an awm meuh loh avangin boruak pawh a thianghlim hle a, Mizoram Pollution Control Board (MPCB)-in khawl hmanga ri bengchheng leh boruak bawlhhlawh pekchhuah an teh danin kum kalta ai khan a tlem daih a ni.

            MPCB thuchhuah tarlan danin, Aizawl khawpui chhungah boruak bawlhhlawh nawi leng vel, (SPM) chu a hma kum khan 104 a nih lain tun tumah SPM 63 a ni a, hip luh tumah SPM 63 a ni a, hip luh tham leka te bawlhhlawh leng vel Respirable Suspended Particulars Matter (RSPM) pawh kum hmasaah 46 a nih lain tun tumah khan 31 chauh a ni a, a ti.

            Ri bengchheng tehna atanga a lan danin, kum hmasa kumthar lai vel khan decibel (dB) 68.4 a nih lain tun tumah khan 44 dB chauh  ani a, sorkarin bengchheng dan phal zat a bituk 45 dB aiin a hniam hret a, sulphur dioxide leh nitrogen dioxide phei chu the tham loh khawpin a tlem a ni.

            MPDB chuan halpuah leh a kaihhnawih hall oh vangin boruak bawlhhalawh leh ri bengchheng a tlem chu lawmawm a ti a, hriselna-in nasa takin a that p0hah ang tih rinhlelh rual a ni lo, a ti a. Ram a lo thianghlim nan leh hriselna tha kan neih theih nana fing taka roreltu sorkar chungah lawmthu sawiin, taima taka thawktu police, YMA, media leh mipui chungah lawmthu a sawi.

            Aizawl khawpuia buaina leh chetsualna thleng tur vengin Krismas vuakvet khan zan tin Mizoram Police 40, Ist Batallion MAP platoon khat, 5th IR 140 vel an duty a, kumhlui thlah zan leh kumthar lawman vuakvetah khan 5th IR Batallion atangin sipai platoon khat leh section khat dah belh an ni bawk. Police hotu, DIG (Northern Range) L Hrangnawna hovin Aizawl SP Lalbiakthanga Khiangte leh a thawhpuite pawhin Police duty leh veng hrang hranga YMA duty an tlawh kual thin a ni.

            Central YMA hruaitute chu kumhlui thlah zanah khan hmun thumah inthenin Aizawl khawpui chhunga YMA branch hrang hrangte an fangkual, CYMA hian halpuah leh halmawi khapna thupek zawm tha branch-te hnenah lawman an pe dawn a ni.

There are 1 comments to this post
 
MS Khiangte,   On Tuesday Jan 05 2010 10:29 am
Halpuah leh halmawi hal lova Krismas leh Kumthar kan hmang liam ta hi chu a lawmawm tak zet zet a ni. Thahnemngai taka a that lohna lo tlangaupui thintu zawng zawngte an fakawm a, CYMA thuk taka a inrawlh tak vang niin a lang bawk. CYMA hmalakna a fakawm tak meuh meuh. Chutih rualin kan nitin chanchinbu leh Media hrang hrangte inpekna vang niin a lang bawk. Hei hi ram hmangaihna dik chu a ni e.
 
To comment this post: Login :
UserID: Pass: OR Register
RELATED CONTENTS

Mizoram House Endiktu Assembly Subject Committee - I Ten Cm Hnenah Report An Thehlut

Mizo Zirlai Te Zirna Senso Sorkar Laipuiin Tumsak Dawn

Da Impound Chungchanga Finance Department Thuchhuah

Hlawh Chungchanga Finance Department Thuchhuah

Doeacc In Press Mite Sawm

Assam Rifles Mizoram Range-in Golden Jubilee Lawm Dawn

World Guide Centenary Lawm

Saiha-ah Pykka Sport Neih Tan A Ni

Chief Minister Hovin State Level Bankers’ Committee Nei

Thupek

MJA Farewell

 MJA Genneral Headquarter Executive chuan vawiin hian President K Sapdanga inah farewell meeting an nei dawn a, March 23-a MJA Conference neih tur thlir lawkin, zanriah an kilho nghal ang.


 

Ni 20 awh session

Mizoram Legislative Assembly chuan Provisional Calendar, Legislative Assembly 6-na Session 5-na chu a tichhhuak a, March ni 17 atanga tanin April ni 5, 2010 thleng neih a ni ang a, Inrinni leh Pathianni erawh an chawl zel ang.
 

Pahnih pawm belh

 Lai Autonomous District Council huam chhunga delimination committee chuan District Council chhunga MDC constituency pahnih siam belh an remti a; chungte chu- Lawngtlai Council Veng leh Mualbu Kawnpui te an ni. Hei hi rulling MDC, Opposition MDC pali bakah Lai District Council chhunga VC te pawhin an pawmpui thu thuchhuah an siamah an tarlang.

Rev. Zairema website apianchamah hawng

Zairema Memorial Committee Chairman, Rev. Vanlalhruai chuan nimin khan Rev. Zairema(L) pual a website ansiam, www.revzairema.com a hawng.

Red Ribbon Road Show

 Mizoram State AIDS Control Society(MSACS) chuan Feb 22- March 16 chhung hian Mizoram district panga a khaw 11-ah Road Show a buatsaih mek. he Red Ribbon Road Show-ah hian Red Ribbon Youth Icon 2009 top 3- R. Lalhmangaiha, Lalbiakfeli leh Roluahpuia te bakah, an kalna district-a District Level Youth Icon top 3 ten zaiin mipui kalkhawmte an awi ang. Road Show-ah hian HIV/AIDS chungchanga zirtirna an pe chhuak dawn a ni.

CM thu sawi kha

Kan CM in Singapore-a a thu sawi kha ka lo tan hman viau a, mahse a pha leh emni? Keini Mizo te hi Indian thlah kan nih lo tih hi chu a chiang viau in ka hria.