J&K -ah LeT commander kaphlum

Jammu and kashmir-a Sopore khuaa security Force leh helho inbeihnaah helpawl, Lashker -e-Toiba commander leh police pakhat an thi.

Aizawlah a ‘ngam’ tan Bike Intlansiak

 ‘Intlansiak tawh suh u,’ tiin Traffic Police leh JAC thlengin vauin vil mah se, Aizawl thalaite’n zan reia bike intlansiak an thulh lo thei, Yamaha chuan awmze neia bike intlansiak a buatsaih dawn e.

Parliamentary Secretary chungchangah Gauhati HC-in SC thu nghak

Mizoram Congress kaihhruai sorkarin Parliamentary Secretary paruk a ruat chu dan kalh nia ngaia Law Minister hlui H Rammawi-in Gauhati high Court-ah a khinna chu nimin khan ngaihtuah a ni a, hemi Gauhati High Court chuan thuthlukna siam loin, hetiang case hi Supreme Court-ah a awm mek avangin S/C thuthlukna hi nghah rih turin thu a dah.

West Bengal MLA-te Aizawlah

 West Bengal Legilative Assembly-a Committee on Sub-ordinate Legilation Committee member 11-te chu an Chairman Amitava Mukhopadhya hoin Aizawl an lo thleng a; nimin khan Mizoram Committee on Subordinate Legislation member-te nen an inkawm.

MP thlanah Rs. 31,891,639 hmang ral

 Lok Sabha inthlan hnuhnung berah khan Mizoram bikah thawktute hlawh, zin veivahna, office senso, lehkhabu chhuahna, motor hman man leh inthlan kaihhnawih atana sum sen zawng zawng chu Rs. 31,891,639 a ni. Mizorama MP thlannaa sum hman zat hi Vanglaini chuan RTI Act hmangin an dil chhuak a ni.

Central-in media hamthatna siam thar

 Sorkar laipuia ministry of Information &  Boardcasting chuan hmarchhak state biala media-te tan hamthatna thar a puang a, Advertisment Policy hman lai Clause 8-naa tarlan angina, hmarchhak biala tawng chi hrang hranga chanchinbu chhuakte chu khaihlak awm loa thla ruk chhung chhuah a nih chuan advertisement dawng thei-ah ngaih an ni thei an ni.

TIPAIMUKH DAM SIAM DUH LO

Sinlng Indigenous Peoples Human Rights Organisation (SIPHRO) chuan, Tuiruang lui khuah a, Tipaimukh Dam siam tum mek chu Manipur leh Mizoram a tihchhiat dawn bakah, Cachar-a Hmarte tan harsatna a thlen dawn avangin an duh lo tih an sawi. He lui khuah tumin a chim tur ram neitute dinhmun tiderthawng zawnga hmalakna bansan turin thuneitute an ngen.

SIPHRO hruaitute hain nimin khan Press Club-ah thuthar lakhawmtute kawmin, Tipaimukh Dam diam turmin a nghawng tur leh an duh loh dan an puang.

BOXER BAHADUR-A MIZO TLANGVALTE TAN CHONA....

Jamshedpur khawpui veng kel til Birsanager a cheng,rawlthar kum 16 mi,Namit Bahadur-a chuan May ni 30 khan Yerevan, Armenia-a World junor Boxing Championship-ah Bronze medal a hnekchhuak a, a World Championship bronze medal a dawn awrh chungin n in chhete kawtah chhuangtakin thla a la a, he thlalak leh a chnachin hi retheihna leh pachhiatna nena boxing glove bun ve tho thin Mizo boxer-te tan chona a tling awm e...

63rd Santosh Trophy-ah Mizoram chuan J&K 3-0 a hnehin Pre-Quarter Final a lut ta.

63rd Santosh Trophy-ah Mizoram chuan J&K 3-0 a hnehin Pre-Quarter Final a lut ta. Chakna goal-te hi Lalmuanpuia, Jeje Lalpekhlua leh Lalrochama te thun a ni.

Mizoram team te kan chhuang a, lawmpuina chibai chanchinthar.com staff ten kan buk e.  An kalkawng chu la thui viau mahse, Zangkhai khat chuan kan zangkhai ta phawt e.

Thawdep dep chungin he inkhel hi kan ngaichanga, Mizoram hian J&K hi a draw palh-a goal 2 aiatlem a thun a nih bawk si chuan Madya Pradesh-in an lehkhalh daih thei a ni. Mahse, hun a tawp a, Mizoram kan chak e. Kan chak satliah mai a ni lo a. 3-0 ngawtin J&K te hi kan sawp a ni. 

First Half-ah Goal a lut lo, 2nd half-ah heng goal 3 te hi a lut vek. Mizoram team fitness a lang zel a. Kan va chhuang em.

P.C. Lalawmpuia (Tuaite) an West Bengal tan Santosh Trophy Khel dawn

Mizo Footballer zinga parchhuang tan mek, Mahse nunkawng buaina avanga harsatna tawk mek leh insiamtha chho mek, Tuaitea chuan a chamna state West Bengal tan Santosh Trophy a khel ve dawn niin thu kan dawng.

Vawiin hian Indian Football Association (West Bengal) chuan state aiawh tur a puang dawn  tih kan sawi a. Tunah chuan a puang fel ta. Mizotlangval chuan West Bengal-ah a khel dawn ta e  West Bengal hi nikum lamah Top 4 zingah an tel avangin Quarter final atangin an lo tel ve tawp mai dawn a ni.

HMARCHHAK THAR ASEAN-A ZAWRH TUR KHAWVEL HUAP ZIRCHIANNA MZU-AH

India Hmarchhakin a thar chhuah leh siam chhuahte Asia chhim chhak ram ASEAN-a thawn chhuah chungchanga khawvel pum huapa, zirchianna chu Mizoram University, Tanhril-a naktuk khian neih a ni dawn a, he seminar hi UNO peng pakhat United Nation Conference On Trade and Development (UNCTAD) leh MZU-a department of economics tangkawpin an huaihawt a ni.

"Exploring ASEAN market for India's North East Products," tih thupui hmangin international seminar hi neih a ni dawn a, he seminar buatsaih chhan tlangpui chu Dr. Vanlalchhawna, Seminar Coordinator chuan sawiin, "India leh ASEAN chuan ei leh bar leh thil dang tam takah thawhhona zau zawk neih tumin hma a la mek a. India Look East Policy kan tih mai pawh hi heng ASEAN ramte nena inkungkaihna tha zawk nei tura hmalakna hi a ni ber a. ASEAN hi Asia ram 10 inzawmkhawm a ni," tiin a sawi.

63rd Santosh Trophy Group Match vawi-2-naah Mizoram-in 2-2 in Madya Pradesh a draw

Nimina 63rd Santosh Trophy Group Match khelh mekah Mizoram chuan Madya Pradesh chu 2-2 in an draw-a. Pre-quarter final thleng turin Mizoram hian beiseina an la nei thei zel a ni.

Minute 8-an lekah Mizoram Player Reuben Zosangpuia chu hnawhchhuah a ni a. A tantirh atangin Mi 10-in an khel ta a ni.

Mizoram hi tlem zawk mahse an thinlung erawh a zam lo tih a hriat a. Mahse tlem zawk an nihna chu a lang deuh thin emaw ni aw a tih theih.

IIT Entrance Result chhuak

IIT Joint Entrance Examination 2009 result chu vawiin khan tihchhuah a ni a. Website http://www.jee.iitb.ac.in/result.htm atang en theih a ni.

Mizoram chuan 63rd Santosh Trophy-a an match hmasa berah Pondicherry 4-0 in an sawp

May 24, 2009 -a Santosh Trophy ni hmasa berah Mizoram chuan an khingpui Pondicherry chu 4-0 in an sawp ta phawt a. Ni 26, May 2009 hian madya Pradesh nen an inkhel leh ang.

Inkhelh tan phat atangin Mizoram hian an thiam zawkzia an lantir nghal a, Minute 90 an inkhelh chhung hian Pondicherry hian goal hlauhawm an siam ve lo hrim hrim a, Mizoram hi vannei deuh phei se chuan goal 4 aia tam hi thun thei tur an ni a. Amaherawhchu, an tum angin goal an thun tam thei ta bik lo a ni.

Maman Chirag United a zawm fel

Mohun Bagan tana season hlawhtling taka lo hmang tluan tawhtu leh Mohun Bagan Season hlawhtlinna kawnga thawhthlawk tak S. Malsawmtluanga chuan season thar atan Chirag United chu a zawm dawn ta a. Ani rual hian Rahul Kumar pawh a chhuak ve nghal ang.

Green and Maroons te hi Mama hian Kolkata Super League bakah Federation Cuo leh Super Cup-te a lakpuia, he midfielder hi game tina player pawimawh tak niin a tlanchakna leh a chetranna chu Kolkata Champion team hian an hmangtangkai hle.