Muanpuii Saiawi Interview

Zai leh rimawi hmanga Pathian rawngbawlin Celebrant Singers-ah a tel a, khawvel hmun hrang hrangah rawngbawlin an fehchhuak thin.

A visa neih hun chhung a tawp a, rawngbawl leh a chak hle. A naupan laia a chak thin IFS tih chu a thinglungah a rawn ri thar leh. Pathian rawngbawlna tur remchang a nih ringin theihtawpin IFS nih tumin a bei ta. A vawi khatnaah Indian Account & Audit Services-ah a tling a, chu hnathawk chung chuan a exam zel tho. A vawi hnihnaah pawh IRS ni thei a ni tawh. Mahse IFS ngei nih tum a nih vangin bei nge sei run dung ti chungin a vawi thumna atan a bei leh a, chutah chuan a duhthusam ngei - IFS ni thei turin a tling ta.

TRUE COLOUR - Album a hnai

Gospel Music video hit tak, tam tak chuan sap zai emaw kan tih mai “True colour” hi i en tawh ngei tur a ni! He hla hi album cover-ah hmangin Chris M.S.Dawngkima chuan a album hmasa ber tur a buaipui mek a. Hla 16 zet awmna tur Audio album-a hlate hi ama phuah thiau niin, English hla 11 leh Mizo hla 5 a awm dawn a, lei manhla tak tur a ni. Uluk takin nikum April vel atang daih tawh khan lo buaipuiin thla thar (June emaw July emaw) a release hman ngei tura hma lak mek a ni a. Ama puala a album hmasa ber tur a nih rualin a hnuhnung ber tur a nih a rinawm.

Laichhuat chhirin L-Ray lamang a lo let leh dawn e

L-Ray chu a reh vung vung emaw kan tihlaiin, an khua (Thingsulthliah) lamah a lo han thaw huam huam a ni tih kan hre tlai khaw hnuhnawh a, A chanchin ngaichang kan tam viau kan rin avangin a come back dan tur chungchang hi inhrechak ve ngeiin kan ring a, kan thu hriat ang te kan han pe ru ve dawn che u a ni.

Original Friendship hnuah Mizoram phindarh khawp hnuhma nei tawh hrih lo mahse, eng nge maw ri ret ret chu a awm leh tawh tih kan hria. Tunah hian a hna leh zirna lamah a buai viau laiin, June thla lamah khi chuan single pahnih tihchhuah thawt a tum a ni awm e.

Presbyterian Bible School-ah Joseph Zaihmingthanga

Joseph Zaihmingthanga chu Pathian thu zir tumin nimin khan Presbyterian Bible School-a luh tumin a interview-a vawiinah interview result a chhuak dawn a, zir tura a tlin ve ngei a inbeisei.

"Pathian thu hriatnaa than len deuh deuh ka duh a," tiin Bible School-a a luh tum chhan a sawi a, "Kan rawngbawl vena zelah pawh a tangkai ngei ka ring" a ti bawk.

Vawiina result tarchhuahah a tling a nih chuan Bible School hi May ni 25 vel atanga class tan tur niin kan hria.

Tripura-ah Sailova'n rawngbawlna nei

Vanlalsailova leh a thian Counter for Christ Ministry(CCM) te chuan Zampui leh Sakhan tlangdung TKP Meet an hmanpui a, vawiin hian Mizoramah an lo let leh ang.

TKP Meet-ah hian Vanlalsailova chu speaker atan hman a ni a, inkhawm boruak a that thu kan dawng a, TKP Meet hmangtu thalaite pawh an hlim hle niin thu kan dawng bawk.

Danglovi album 'An Lungleng ve ngei ang'

Youth Icon 2007 Top 10 Laldanglovi chuan a album hmasa ber tur 'An lungleng ve ngei ang' tih chu APril ni 8(Zirtawpni) chawhnu dar 2:00 hian Chanmari YMA Hall-ah a tlangzarh dawn ta.

Danglovi album-ah hian hla 12 a awm dawn a - An lungleng ve ngei ang, Chuailo parmawi, Chuai ta maw, Tha valmawi, Lengdang Chhai tawh mah la, Mualzapui, SUlhnu nunhlui, Ka thinlai hnem rawh, Lai chhuat an chhir, Tuaitir Di zun, Daisy leh Tleitira tleitiri tihte a ni.

Jojo-i 'I Belh Pawn' Album a hnai

Youth Icon 2007 atanga Mizoram-in a hmelhriat, Josephine, Jojo tia kan hriat lar chuan a album hmasa ber tur chu a buai leh tan ta a. Harsatna dang a tawk leh te a ni loh chuan May thla chhungin emaw, June thla tirah emaw tlangzarh hman ngei a tum a ni.

Zoramchhani leh Lalropuii Pachuau ten Fashion Designing zir dawn

Fashion Designing leh puanthui zir theihna tur computerised embroidery nimina hawn tharah zoramchhani leh Lalropuii Pachuau ten zir ve an tum.