Relation-a pawisa dahte Court-ah kal

 Vanglaini-in RTI Act hmanga a zawhna, SP CID (SB) office-in a chhanna RBI pawmpui loh bank lem zinga tel, Relation Socio economic Culture and Organisation-a pawisa dahtute chu Consumer Forum leh DC Court-ah an zualko.

NLUP la sem rih dawn lo Uluk zawkin enfiah phawt dawn

Congress Legislative Party (CLP) chu nimin khan an president leh Chief Minister ni bawk Lal Thanhawla hovin an thukhawm a, an party manifesto pui ber, New Land Used Policy (NLUP) chu mumal zawka kalpui a nih theih nan an trade thlan tawhte enfiah leh phawt tha an ti.

Red Ribbon Football KICK OFF

Ni 25 January, 2010 zan dar 8:00 khan Mizorama football tournament lian ber hawn a ni ta. Red Ribbon Football chu Chanmari YMA Hall-ah 'Kick Off' a ni ta, Health Minister Lalrinliana Sailo-in a Kick Off.
 

KTP Conference 2010 hmanna tur Pandal sak tan a ni.

March 4-7 chhunga Mamit in KTP Gen. Conference a dawnna tura inbuatsaihna chi hrang hrang chak taka kalpui mek a ni a; Ni 19 January 2010 khan GSA Play Ground Mamit ah Pandal sak tan a ni. Chawhma dar 10:30 ah Pandal Hlanna Inkhawm tawite buatsaih a ni a, Hmunsam Pastor Bial, Pro Pastor Lalhriatpuia’n Pandal Pathian hnena hlanna a nei. Pandal sak hna hi Chhangte Steel Fabrication, Lower Chandmary Aizawl chuan an thawk dawn a, a dung Ft. 332 asei Ft. 165 zau leh Stage Ft 60x32 azau a sak tur niin mihring 15000 thleng leng thei turin ruahmanna siam a ni bawk.

He Inkhawmpui atan a Pandal Structure hi Mizoram Synod ta a ni a, Mamit a phurhthlak nan hian Truck 20 hmangin Rs 150000 (Nuaikhat Singnga) sen a ni. Chhangte Steel Fabrication hian Rs 240000 (Nuaihnih singli) in a remkhawm hna an thawk dawn a ni. He Pandal sak hna hi Ni 9 chhunga zawh hman tum a.

Tin, Conference pual hian Pawisa Cheng 1783809 hmuh tawh a ni a. Pandal cheimawihna hi Vai hnenah Contract a pek tura ruahman a ni.

Visit http://www.ktp2010mamit.org

ITI Vengah kangmei a chhuak

Nimin chawhnu dar 2:30 khan ITI Venga H Laldela motor siamna workshop, Hnamte Allied Engineering Works chu a kang. He kangmei chhuakah hian mihring thi leh hliam an awm lo a, Gypsy siam lai pakhat leh hmanrua eng emaw zat a kang chhia.

 Workshop neitu, H Laldela sawi danin, a workshop-a kangmei chhuah chhan hi Gypsy siam lai an welding-na tekin petrol a man vang a ni a, workshop hi a kang nasa hman hle a, ITI veng a mi tlawmngaite’n thelh tumin an bei a, a thelh mih dawn tawh lamah Fire Service-te leh 3rd, MAP Battallion –a Rapid Action Force-te thlengin, an thelh mit thei ta a ni.
 

Zarzokima thattu man belh : BRU letter head-a ziaktu ber a ni.

November 13, 2009-a Zarzokima, Bungthuam thattu zinga pakhat, Lalthazuala (28) s/o Sohadeb, Bukvannei khua, tuna tripura-a Asapara refugee camp-a awm chu Mizoram Police leh Assam Rifles tangkawpin January 21 zan dar 7 : 30 khan Tripura-ah an man a, amah hi zarzokima ruang bula Bru Revolutionary Union (BRU) hminga lehkha dah zaiktu a ni.

Mizoram hi zirna hmunpuiah siam kan tum: Minister Sawta

Education Minister Lalsawta chuan, Mizoramah technical/vocational education uar a nih dawn thu sawiin, “Mizoram hi zirna hmunpui (hub of education)-ah kan siam theih kan ring nghet tlat a ni,” a ti a; technical education uar a nih dawn avang hian college leh higher secondary school-te tihtlem a ngai dawn nia a lan  thu a sawi.

Zoram veitute'n Seminar hmang.

              Dt. 12-1-2010 khan Zawlbuk Online Group buatsaihin I&PR Auditorium-ah Mizote Value System bihchianna leh Tun dinhmunah Mizote tan Inchimralna a hlauhawm em tih thupui hmangin Seminar neih a ni a. Seminar hi session hnihah thenin chawhma leh chawhnu-ah hun hman a ni.

Chanmari West Presbyterian Kohhran-in Kum 25 tlin an lawm

Nimin Ni 5 January, 2010 khan Chanmari West Presbyterian Kohhran chuan an Kohhranin kum 25 a tlin (Silver Jubilee) an lawm a, Bawng 4 leh Vawk 6 leh Ar leh Sangha-a ruai thehin ropui takin an lawm.

YMA branch 191 hnenah lawmman

 Home Minister hoin nimin Home Commissioner, Lalmalsawma, aizawl DC C. Thanchhuma, DIG Northern Range L Hrangnawna leh officer thenkhatte chuan halpuah leh halmawi khap a nih chungchang an thlir ho a, a hlawhtlin thu an sawi.
 

 Meeting chuan District Headquaters tina branch YMA halpuah leh halmawi khapna thupek zawm thate hnena lawman pek tura tih chu, branch tinin an zawm that avangin branch zawng zawng 191 hnenah lawman pek vek nise an ti. Lawmman atan hian Rs 1, 000 vel nise tih a ni a, Centarl YMA in a sem hna an thawk dawn a ni.
 

Tun dinhmunah Mizote tan INCHIMRALNA hi a hlauhawm em?

Tun dinhmunah Mizote tan INCHIMRALNA hi a hlauhawm em?

- C.Vanlalramsanga

I.          THUHMA

1.1       Mizote zingah inchimralna chungchang hi hun rei tak atang khan vawitam ngaihtuahho a lo ni tawh thin a. Inhnialna pawh vawi tam a lo chawk chhuak tawh thin a ni. Kan thupui ngaihtuahho tur chungchangah pawh hian ngaihdan hrang hrang a awm thei ngei ang. ‘Assimilation’ chungchang hi hlawm lian pui pui a thenin kawng hnih in a thlir thei awm e. Pakhatna, Mizote hnam/ram lian zawk zinga kan inchiahpilna. Pahnihna, Mizote hnam dangin min chimralna. Heng thlirna kawng hnih atang hian zau takin kan thupui hi a zir theih ang, tun tumah chuan ‘chimral’ lam hi kan thupuiin a tum angin kan thlurbing dawn a ni.

(He Article hi Dt 12 January, 2010-a Zawlbuk Online Group-in Seminar an buatsaiha paper present a ni)

News hi!! - Chhiartu Thukhawchang

a lawmawm hrim hrim e, hetianga chanchinthar website tha tak duhlian tawng ngata kan nei thei hi.....mahse ka lo ngaihtuah mai mai a, news tamtak hi chu hmundang atanga ka chhiar tawh a nihna ang anga dahluhte an ni nual mai!heihi a source tarlan a ni bawk si lo a, he site ami hi an la han ti dawn ila ka chhiarna te chuan a source an tarlang bik chuang si lo a,sipai bang ka bo map mai!!!kan news te hi news source thenkhat atanga lakchhawn a nih chuan kan laknate phalna lak phawt emaw a chhe berah kan lakna source tal tarlan ve chu a mawiin thil kaldan phung a ni si a, te ka lo ti ve mai mai a. Buaina tam zawk kan hmachhawn hmain a tua te lam lam pawh kan inenchian vat a ngai ang....changkanna zel a ni zawk ngai e.....